暗瘡爆發期
坊間治療暗瘡方法
自己曾經嘗試網上推介方法e.g 家用果酸、蘆薈gel 保濕、敷去暗瘡mask、暗瘡藥膏同暗瘡系列護膚品通通都不管用！！！
直到正式畢業成為註冊護士，投入全天候PAN shift嘅生活.......情況進入不受控制的地步，連部門NC都忍唔住話“你好核突”，除咗嬲爆，都激起我要正視暗瘡問題的決心！！！
A酸和果酸治療
經同學介紹（另一成功例子），我在中環一間由皮膚科醫生開設的診所開始為期9個月嘅A酸（內服）加果酸換膚療程。
在服用A酸前，需要簽一份同意書，証明我沒有懷孕，肝病或長期病患，並了解A酸可能帶來的副作用。主要是服用期間懷孕可能導致畸胎，老人家肝功能容易受影響，膽固醇指數升高，皮膚乾燥（因油脂分泌減少）等......
A酸成效
我嘅A酸用量係10mg daily,配合vitamin E共兩種藥物。服用兩星期後，大部分暗瘡已收細，亦無新暗瘡出現。一直服用都再無大暗瘡出現，只是偶爾有一兩粒小暗粒出現喺額角。六個月過後，我已逐步停用A酸。停藥六個月後，效果亦保持良好，
A酸的副作用
10mg的劑量算輕，連帶副作用都輕微（我只有皮膚較乾燥，嘴唇爆擦（係摩西分紅海嘅境界😭））。有網友分享初期服用時，有機會出現暗瘡大爆發期，幸好我沒有這個問題。
果酸換膚效用
餘下的油脂暗粒，暗瘡印就靠醫生調配的果酸作換膚和去印。初期暗瘡情況最為嚴重，所以一星期進行一次療程，大概兩月後，情況已受到控制，暗瘡印明顯變淡，暗粒亦大大減少。逐漸延長至兩星期一次，到後期已延長至一個月一次。A酸療程和果酸換膚療程同步進行對暗瘡控制產生極好的效用。
果酸換膚過程
診所職員首先記錄皮膚敏感，乾燥情況。再使用溫和洗面奶為我進行潔膚，然後為較乾燥，容易爆擦的面部位置（鼻翼，嘴角）塗上凡士林作保護。然後，請醫生調配適合濃度的果酸，並均勻塗上全面。過程歷時2-3分鐘，感覺全面有針拮，痛到流眼水的感覺。計時器一響，職員就趕緊叫我用清水洗面，直至痛楚感覺完全消除。最後，職員為我塗上保濕，防曬就完成療程！
用A酸注意事項
1.注意皮膚保濕
由於A酸有助減少油脂分泌，容易令皮膚水分流失，所以面部和手腳需要塗上較滋潤的moisture cream(特別在冬天）。而嘴唇乾燥方面可以厚敷凡士林！（早在未爆擦至血流成河就要厚敷，否則需要咨詢皮膚科醫生，並給與類固醇（直接塗上嘴唇）作治療！
2.做足安全措施避免誕下畸胎
3.服用期間不能做激光
因A酸導致皮膚光敏性，假設進行激光治療有機會灼傷皮膚！
果酸換膚注意事項
1. 同樣要保濕
因為果酸去除角質層，會令皮膚變薄同時容易流失水分
2.做足防曬
食完A酸，做完果酸一曬太陽會令皮膚變得更黑，所以一定要塗防曬！不一定見陽光先塗，UVA,UVB已能曬黑皮膚！
3.6個月前後不能做蜜蠟脫毛
同樣皮膚會較脆弱，蜜蠟脫毛的一拉一撕容易弄傷皮膚，留下疤痕！
A酸費用/價錢
每星期包括藥物連醫生診症費用HKD 960
而每兩星期會配有一套護膚套裝
所以我完全唔再購買坊間護膚品，直至停藥後才轉用Clinique moisture surge 72-hour auto-replenishing hydrator(很保濕！）
果酸換膚費用/價錢
大概HKD1100一次
以上全是個人經歷，各人情況不同，需根據皮膚科醫生建議，切勿自行服藥或使用果酸！
沒有留言:
發佈留言