BB止痛糖水-苦中一點甜24% oral sucrose

一邊傳來絕望的叫聲“屎袋漏咗呀”然後同事叫道“俾定啲甜甜嚟呀”，指的就是24%sucrose(24%蔗糖溶液）。當BB要面對短暫痛楚的程序例如傷口拆線，更換stoma bag,睇ROP(眼睛檢查）等...我地就會俾啲甜甜佢地食，這些甜甜的“糖水”對BB來說具有效的止痛作用！

Peripheral line insertion

ROP eye examination

BB都會feel到痛嗎？

有人會話BB唔會識痛或會忘記痛，但其實BB的痛楚感受器早在母體second trimester已經成熟，BB感受痛楚同成人無異！BB未必懂得表達痛楚感覺，但這些感覺有機會延遲康復時間，並影響日後腦部發展，所以有必要給予止痛方法！"Pain of True Love is like a Baby crying.It knows for what it cries,but it doesn't know to express it in Words."

 

"Pain Of True Love Is Like A Baby Crying. It Knows For What It Cries. But It Doesn't Know To Express It In Words"

早於1990年已有多份研究顯示在進行短暫痛楚程序前讓初生兒食“糖水”可以減低痛楚，效用最高峰在2分鐘，並維持5-8分鐘！此後蔗糖溶液成為常用非藥物止痛方法☺暫時並無研究全面解釋背後理論，其中一個較多人支持的是甜的感覺令下丘腦（hypothalamus）釋出更多安多朌( β-Endorphin )，endorphin 同 endogenous opioid receptor結合，抑制痛楚的感覺

Endorphin makes you feel good~

係咪每個BB都俾得24% oral sucrose？ 

暫時未有足夠研究顯示29週以下BB對sucrose有反應，而我們亦需要BB具成熟吸啜奶咀並吞下的能力，所以要大於>32週，並且沒有以下情況才會給予“甜甜”：

懷疑NEC, TEF, 口部吞嚥問題oral dysfunction 同Mother, baby on methadone(美沙酮），因為medthadone會搶先block opioid receptor,降低endorphin作用

點俾24% sucrose架?

喺做痛楚程序前2分鐘會用一次性的24%sucrose逐滴滴落BB口度，再俾奶咀佢啜， 好work架！食完一滴甜甜已經唔喊

One of the brands of 24% sucrose

References

Beuno, M.,Yamada, J., Harrison, D., Khan, S., Ohlsson, A.,Adams-Webber, T., Beyene, J., and Stevens, B. (2013). A systematic review and meta-analyses of non-sucrose sweet solutions for pain relief in neonates. Pain Research Management. 2013; 18(3): 151-163.

Elserafy, F. A., Alsaedi, S. A., Louwrens, J., Sadiq, B. B., & Mersal, A. Y. (2009). Oral sucrose and a pacifier for pain relief during simple procedures in preterm infants: a randomized controlled trial. Annals of Saudi medicine, 29(3), 184.

Mysels, D. J., & Sullivan, M. A. (2010). The relationship between opioid and sugar intake: review of evidence and clinical applications. Journal of opioid management, 6(6), 445.
sweet taste activate endogenous opioid system , siilar with the opioid anaglesic