Closure of PDA@小兒科不小兒科 Babbling from a PICU Nurse

今日睇到一份journal好有趣😍，美國醫學會雜誌（JAMA)喺今年3月發表一份systemic review and meta-analysis,研究題目是那種藥物治療有最大機會關閉haemodynamically significant PDA（開放性動脈導管）in prem baby(早產兒）。 結果顯示High dose 嘅oral ibruprofen比 Standard dose嘅 IV ibruprofen or indomethacin更有效關閉PDA😮😮😮而採用conservative treatment嘅BB，即唔做相關治療並無增加死亡率或連帶NEC，IVH機會！！！😮😮😮 

小知識💡：

Ductus arteriosus 係胎兒在母體內繞過肺部，連接aorta同pulmonary artery嘅正常血管，可以攜帶由母親提供的oxygenated blood去身體。

一般足月BB在出生數日後就會關閉，可是部分BB（早產兒佔大多數）出生後並無關閉這條血管，令充氧血經此通道mix with 缺氧血，導致致肺部需要處理額外血量，加重肺部負擔！！！我地稱這現象為patent ductus arteriosus(PDA)

PDA有什麼徵狀？

Size細嘅PDA可以無明顯symptoms。但BB會出現疲倦，唔肯食奶，體重下降，含氧量下降，呼吸急速（心口仔都insucking入去）

PDA有什麼現有治療方法？

PDA隨BB長大有機會自行關閉，但large size PDA而影響到含氧量，體重下降等等，就有機會需要接受治療。主要分兩大類：

1.藥物治療

現時ibruprofen, indomethacin, 同panadol都可以關閉PDA

***無睇錯！係panadol,以後唔止識止痛退消，仲可以close PDA***

另外會俾啲去水藥(diuretic)e.g lasix, spirolactone去減低身體水份，reduce preload。

2.手術PDA ligation

當用藥後不能成功關閉PDA，就有機會需要手術。

***維持BB營養都好重要！****

好多BB食得奶嘅會俾high calories formula佢，食得少啲量同時攝取足夠營養

太攰嘅BB可能俾tube feeding,等佢地抖下。

References 

Mitra, S., Florez, I. D., Tamayo, M. E., Mbuagbaw, L., Vanniyasingam, T., Veroniki, A. A., ... & Thabane, L. (2018). Association of placebo, indomethacin, ibuprofen, and acetaminophen with closure of hemodynamically significant patent ductus arteriosus in preterm infants: a systematic review and meta-analysis. Jama, 319(12), 1221-1238. 

Photo credit to ADAM