天氣酷熱，360度UVA,UVB全面襲擊，長時間落水，踏上充滿碎石未知危險毒物的淺灘上，為了擁有一個愉快的獨木舟旅程，集齊以下裝備用品是非常重要！
防曬篇：
出門前20分鐘塗上SPF 50以上面部，手腳防曬液！讓皮膚充分吸收！
亦帶定一支喺身，隨時補塗！
SPF 指 sun protection factor, 在對抗UVB時的防陽光的倍增能力
一般人喺陽光下曬15分鐘已經紅，而SPF系數係將呢個時間倍大
e.g SPF 30：15X 30 =450分鐘防曬時間
但係一下水，流汗沖淡後，防曬有機會甩哂！所以要keep住保妝咁保防曬！
去爬獨木舟，一定會曝曬，所以SPF 50以上，塗灰咁塗就啱啦！！！
UVA穿透力特強，不易被雲層遮擋，直接曬黑皮膚！
UVB穿透力稍弱，可被雲層遮擋，但夏天萬里無雲下，UVA同UVB係一齊夾攻你
其餘：太陽眼鏡，多用途頭巾，太陽帽
衣服篇：
要白淨嘅一定要穿長䄂淺色防曬衣，全段full length leggings!!!我一不小心穿了7分嘅，就出現兩截色！！
記住無陽光都唔好束起衫䄂！前臂又會兩截色！
記得帶替換內衣褲！一條大毛巾沖身用（有速乾毛巾更輕便！）
👟👟鞋可以白飯魚，or去decathlon買好平嘅水用鞋，主要係防踩石踩水跣親！
食物篇：
🥛🥛水分補充好重要！雪定一支結冰嘅水，慢慢溶解，透心涼呀！
🍎🍐🥐🍞麪包，水果可以飽肚同補充體力！
🚫🚫避免能量條（消化後會更肚餓！），煮好的食物（容易變壞！）
裝備篇：
救生衣，哨子可以喺租艇地方借到
想影靚相？Gopro幫到你！記得帶防水袋！！
最後祝你有一個愉快難忘的獨木舟之旅！
沒有留言:
發佈留言